બે સમાન બિંદુવત વિદ્યુતભારો $q$ ને જોડતી રેખાના મધ્યબિંદુએ એક વિદ્યુતભાર $Q$ મૂકવામાં આવે છે. $q$ ના કયા મૂલ્ય માટે આ તંત્ર સંતુલનમાં હશે?

કુલંબ બળને બે-પદાર્થ બળ (two-body force) શા માટે કહેવામાં આવે છે?

$+q$ અને $-q$ વિદ્યુતભાર ધરાવતા બે સમાન વાહક ગોળાઓ $A$ અને $B$ ને $d$ અંતરે રાખતા તેમની વચ્ચે લાગતું કુલંબ બળ $F$ છે. જો ગોળા $B$ થી $A$ પર $50\%$ વિદ્યુતભાર સ્થાનાંતરિત કરવામાં આવે,તો તેમની વચ્ચેનું નવું કુલંબ બળ કેટલું થશે?

બે નાના ગોળાઓ કે જેમના પર અચળ વિદ્યુતભાર છે,તેમની વચ્ચે લાગતા બળોનો ગુણોત્તર $(a)$ હવામાં અને $(b)$ $K$ ડાયઇલેક્ટ્રિક અચળાંક ધરાવતા માધ્યમમાં કેટલો થાય?

$12$ વધારાના ઇલેક્ટ્રોન ધરાવતું એક તેલનું ટીપું $2.55 \times 10^{4} \; N \, C^{-1}$ ના અચળ વિદ્યુતક્ષેત્રમાં સ્થિર રાખવામાં આવ્યું છે (મિલિકનનો તેલના ટીપાનો પ્રયોગ). તેલની ઘનતા $1.26 \; g \, cm^{-3}$ છે. ટીપાની ત્રિજ્યાનો અંદાજ લગાવો. $(g = 9.81 \; m \, s^{-2}; e = 1.60 \times 10^{-19} \; C)$

$L$ બાજુની લંબાઈ ધરાવતા નિયમિત ષટકોણના પાંચ શિરોબિંદુઓ પર $+Q$ વિદ્યુતભાર મૂકેલા છે. ષટકોણના કેન્દ્ર પર મૂકેલા $-Q$ વિદ્યુતભાર પર લાગતા બળનું મૂલ્ય કેટલું હશે?