એક વિદ્યાર્થીએ બહિર્ગોળ લેન્સનો ઉપયોગ કરીને સફેદ પડદા પર મીણબત્તીની જ્યોતનું પ્રતિબિંબ મેળવ્યું. તેણે મીણબત્તી,પડદો અને લેન્સના સ્થાન નીચે મુજબ નોંધ્યા:
મીણબત્તીનું સ્થાન $= 12.0\, cm$
બહિર્ગોળ લેન્સનું સ્થાન $= 50.0\, cm$
પડદાનું સ્થાન $= 88.0\, cm$
$(i)$ જો તે મીણબત્તીને લેન્સની નજીક $31.0\, cm$ ના સ્થાને ખસેડે,તો પ્રતિબિંબ ક્યાં રચાશે?
$(ii)$ જો તે મીણબત્તીને લેન્સની વધુ નજીક ખસેડે,તો રચાતા પ્રતિબિંબનો પ્રકાર કેવો હશે?
$(iii)$ ઉપર જણાવેલ કિસ્સા $(ii)$ માં પ્રતિબિંબની રચના દર્શાવતી કિરણ આકૃતિ દોરો.

(N/A) સૌ પ્રથમ,લેન્સની કેન્દ્રલંબાઈ $(f)$ શોધો:
વસ્તુ અંતર $u = 12.0 - 50.0 = -38.0\, cm$
પ્રતિબિંબ અંતર $v = 88.0 - 50.0 = +38.0\, cm$
લેન્સના સૂત્રનો ઉપયોગ કરતા: $\frac{1}{v} - \frac{1}{u} = \frac{1}{f}$
$\frac{1}{38} - \frac{1}{-38} = \frac{1}{f} \implies \frac{2}{38} = \frac{1}{f} \implies f = 19.0\, cm$
$(i)$ નવું વસ્તુ અંતર $= 31.0\, cm$. નવું $u = 31.0 - 50.0 = -19.0\, cm$. વસ્તુ મુખ્ય કેન્દ્ર $(F)$ પર હોવાથી,પ્રતિબિંબ અનંત અંતરે રચાશે.
$(ii)$ જો મીણબત્તીને લેન્સની વધુ નજીક ખસેડવામાં આવે (એટલે કે $u < f$),તો વસ્તુ પ્રકાશીય કેન્દ્ર અને મુખ્ય કેન્દ્રની વચ્ચે હોય છે. રચાતું પ્રતિબિંબ આભાસી,ચત્તું અને વિવર્ધિત હશે.
$(iii)$ કિરણ આકૃતિ દર્શાવે છે કે જ્યારે વસ્તુ $F$ અને $O$ ની વચ્ચે હોય,ત્યારે પ્રતિબિંબ વસ્તુની બાજુએ જ આભાસી રીતે રચાય છે.