પ્રવૃત્તિનું વર્ણન કરો જે દર્શાવે છે કે વિદ્યુતપ્રવાહ ધારિત વાહક તેની લંબાઈ અને બાહ્ય ચુંબકીય ક્ષેત્રને લંબ રૂપે બળ અનુભવે છે. ફ્લેમિંગનો ડાબા હાથનો નિયમ વિદ્યુતપ્રવાહ ધારિત વાહક પર લાગતા બળની દિશા શોધવામાં કેવી રીતે મદદ કરે છે?

(N/A) પ્રવૃત્તિ: બે જોડાણ વાયરનો ઉપયોગ કરીને સ્ટેન્ડ પરથી આડી રીતે લટકાવેલ એક નાનો એલ્યુમિનિયમનો સળિયો $AB$ લો. એક મજબૂત ઘોડાની નાળ જેવું ચુંબક એવી રીતે મૂકો કે જેથી સળિયો બે ધ્રુવોની વચ્ચે રહે અને ચુંબકીય ક્ષેત્ર ઉપરની તરફ હોય. સળિયા $AB$ ને બેટરી,કળ અને રિઓસ્ટેટ સાથે શ્રેણીમાં જોડો. જ્યારે સળિયામાંથી $B$ થી $A$ તરફ વિદ્યુતપ્રવાહ પસાર કરવામાં આવે છે,ત્યારે સળિયો સ્થાનાંતરિત થતો જોવા મળે છે. આ સ્થાનાંતર દર્શાવે છે કે જ્યારે વિદ્યુતપ્રવાહ ધારિત વાહકને ચુંબકીય ક્ષેત્રમાં મૂકવામાં આવે છે ત્યારે તેના પર બળ લાગે છે. આ બળની દિશા વાહકની લંબાઈ અને ચુંબકીય ક્ષેત્ર બંનેને લંબ હોય છે.
ફ્લેમિંગનો ડાબા હાથનો નિયમ: આ નિયમ અનુસાર,તમારા ડાબા હાથના અંગૂઠા,તર્જની અને મધ્યમા આંગળીને એવી રીતે ફેલાવો કે જેથી તેઓ એકબીજાને લંબ હોય. જો તર્જની ચુંબકીય ક્ષેત્રની દિશામાં અને મધ્યમા આંગળી વિદ્યુતપ્રવાહની દિશામાં નિર્દેશ કરે,તો અંગૂઠો વાહક પર લાગતા બળ અથવા ગતિની દિશા દર્શાવશે.