સંપર્ક વિધિ (Contact process) દ્વારા સલ્ફ્યુરિક એસિડના ઔદ્યોગિક ઉત્પાદનની સમજૂતી આપો.

(N/A) સલ્ફ્યુરિક એસિડના ઔદ્યોગિક ઉત્પાદન માટેની સંપર્ક વિધિમાં નીચેના મુખ્ય તબક્કાઓનો સમાવેશ થાય છે:
$(i)$ $SO_{2}$ વાયુ ઉત્પન્ન કરવા માટે હવાના સંપર્કમાં સલ્ફર અથવા સલ્ફાઇડ અયસ્કનું દહન.
$(ii)$ ધૂળ અને આર્સેનિક સંયોજનો જેવી અશુદ્ધિઓને દૂર કરીને $SO_{2}$ વાયુનું શુદ્ધિકરણ.
$(iii)$ વેનેડિયમ પેન્ટોક્સાઇડ $(V_{2}O_{5})$ ઉદ્દીપકની હાજરીમાં $SO_{2}$ નું $O_{2}$ સાથે ઉદ્દીપકીય ઓક્સિડેશન કરીને $SO_{3}$ બનાવવો:
$2SO_{2(g)} + O_{2(g)} \rightleftharpoons 2SO_{3(g)}, \Delta_{r}H^{\ominus} = -196.6 \ kJ/mol$
આ પ્રક્રિયા ઉષ્માક્ષેપક,પ્રતિવર્તી છે અને તેમાં કદમાં ઘટાડો થાય છે. તેથી,મહત્તમ ઉત્પાદન માટે નીચું તાપમાન અને ઊંચું દબાણ અનુકૂળ છે. વ્યવહારમાં,આ પ્રક્રિયા $2 \ bar$ દબાણ અને $720 \ K$ તાપમાને કરવામાં આવે છે.
$(iv)$ ઓલિયમ $(H_{2}S_{2}O_{7})$ બનાવવા માટે સાંદ્ર $H_{2}SO_{4}$ માં $SO_{3}$ નું શોષણ:
$SO_{3} + H_{2}SO_{4} \rightarrow H_{2}S_{2}O_{7}$
$(v)$ ઇચ્છિત સાંદ્રતા ધરાવતો સલ્ફ્યુરિક એસિડ મેળવવા માટે ઓલિયમનું પાણી સાથે મંદન.
સંપર્ક વિધિ દ્વારા મેળવેલ સલ્ફ્યુરિક એસિડ $96-98 \%$ શુદ્ધ હોય છે.