પ્રક્રિયાના દર અને વેગ અચળાંક પર તાપમાનમાં વધારાની અસર સમજાવો.

(N/A) મોટાભાગની રાસાયણિક પ્રક્રિયાઓ તાપમાનમાં વધારો કરવાથી ઝડપી બને છે.
ઉદાહરણ: $N_{2}O_{5}$ ના વિઘટનમાં,મૂળ પદાર્થના અડધા જથ્થા માટે લાગતો સમય નીચે મુજબ છે:

તાપમાન	$50^{\circ}C$ | $25^{\circ}C$ | $0^{\circ}C$
$t_{1/2}$	$12 \ min$ | $5 \ h$ | $10 \ d$

રાસાયણિક પ્રક્રિયાના દર પર તાપમાનની અસર આર્હેનિયસ સમીકરણ દ્વારા સચોટ રીતે સમજાવી શકાય છે:
$k = A e^{-\frac{E_{a}}{RT}}$
જ્યાં $k$ એ વેગ અચળાંક છે,જે પ્રક્રિયાના દરના સમપ્રમાણમાં હોય છે.
$A$ એ આર્હેનિયસ અવયવ અથવા આવૃત્તિ અવયવ છે (જેને પ્રી-એક્સપોનેન્શિયલ અવયવ પણ કહેવાય છે),જે ચોક્કસ પ્રક્રિયા માટે અચળ છે.
$R$ એ વાયુ અચળાંક $(8.314 \ J \ K^{-1} \ mol^{-1})$ છે.
$E_{a}$ એ સક્રિયકરણ ઊર્જા $(J \ mol^{-1})$ છે.
સમીકરણની બંને બાજુએ પ્રાકૃતિક લઘુગણક લેતા:
$\ln k = -\frac{E_{a}}{RT} + \ln A$ અથવા $\log k = -\frac{E_{a}}{2.303 RT} + \log A$
આ સમીકરણ પરથી,$\ln k \propto \frac{1}{T}$.
તાપમાનમાં વધારો થવાથી પ્રક્રિયાના દરમાં વધારો થાય છે અને વેગ અચળાંકમાં ઘાતાંકીય વધારો થાય છે.