$S_{N}2$ પ્રક્રિયાને અનુકૂળ બનાવતા પરિબળો સમજાવો.

(N/A) $S_{N}2$ પ્રક્રિયામાં ન્યુક્લિયોફાઇલનું લિવિંગ ગ્રુપ સાથે જોડાયેલા કાર્બન પર પાછળથી આક્રમણ થાય છે. આ પ્રક્રિયાને અનુકૂળ બનાવતા પરિબળો નીચે મુજબ છે:
$1$. અવકાશી અવરોધ (Steric Hindrance): આ પ્રક્રિયા અવકાશી અવરોધ પ્રત્યે ખૂબ જ સંવેદનશીલ છે. લિવિંગ ગ્રુપ ધરાવતા કાર્બન સાથે જોડાયેલા આલ્કાઈલ ગ્રુપની સંખ્યા વધતા,ન્યુક્લિયોફાઇલનું આક્રમણ મુશ્કેલ બને છે. તેથી,પ્રતિક્રિયાત્મકતાનો ક્રમ: $\text{Methyl halide} > 1^{\circ} > 2^{\circ} > 3^{\circ}$ છે.
$2$. ન્યુક્લિયોફાઇલની પ્રબળતા: પ્રબળ અને ઋણ વીજભારિત ન્યુક્લિયોફાઇલ $S_{N}2$ પ્રક્રિયાનો વેગ વધારે છે.
$3$. દ્રાવક: ધ્રુવીય એપ્રોટિક દ્રાવકો (જેમ કે એસિટોન,$DMSO$,$DMF$) પસંદ કરવામાં આવે છે કારણ કે તે ન્યુક્લિયોફાઇલને મજબૂત રીતે દ્રાવ્ય કરતા નથી,જેથી તેની પ્રતિક્રિયાત્મકતા જળવાઈ રહે છે.
$4$. લિવિંગ ગ્રુપ: સારું લિવિંગ ગ્રુપ (જેમ કે $I^- > Br^- > Cl^-$) સરળતાથી દૂર થઈને પ્રક્રિયાને ઝડપી બનાવે છે.