$1 \ litre$ પાણીમાં $1 \ mol$ $NaCl$ ઉમેરવાથી પાણીનું ઉત્કલનબિંદુ વધે છે,જ્યારે $1 \ litre$ પાણીમાં $1 \ mol$ મિથાઈલ આલ્કોહોલ ઉમેરવાથી તેનું ઉત્કલનબિંદુ ઘટે છે,તે સમજાવો.

(N/A) પ્રવાહીનું ઉત્કલનબિંદુ વાતાવરણીય દબાણની સાપેક્ષમાં તેના બાષ્પ દબાણ પર આધાર રાખે છે. નિશ્ચિત વાતાવરણીય દબાણે,બાષ્પ દબાણ ઓછું હોય તો ઉત્કલનબિંદુ ઊંચું હોય છે અને તેનાથી ઉલટું.
$NaCl$ એ અબાષ્પશીલ દ્રાવ્ય છે. જ્યારે તેને પાણીમાં ઉમેરવામાં આવે છે,ત્યારે તે સપાટી પર જગ્યા રોકે છે અને પાણીના અણુઓની બાષ્પ બનવાની વૃત્તિ ઘટાડે છે,જેનાથી દ્રાવણનું બાષ્પ દબાણ ઘટે છે. પરિણામે,પાણીનું ઉત્કલનબિંદુ વધે છે.
તેનાથી વિપરીત,મિથાઈલ આલ્કોહોલ $(CH_3OH)$ પાણી કરતા વધુ બાષ્પશીલ છે. તેનું ઉમેરણ દ્રાવણના કુલ બાષ્પ દબાણમાં વધારો કરે છે,જેના પરિણામે મિશ્રણનું ઉત્કલનબિંદુ ઘટે છે.