મૂળમાં પાણી અને આયનોનું શોષણ કેવી રીતે થાય છે? આકૃતિ સાથે સમજાવો.

(N/A) $ \Rightarrow $ મૂળમાં પાણીનો મોટાભાગનો પ્રવાહ અપદ્રવ્ય (apoplast) દ્વારા થાય છે કારણ કે બાહ્યકના કોષો છૂટાછવાયા ગોઠવાયેલા હોય છે અને તેથી પાણીના વહનમાં કોઈ અવરોધ પેદા કરતા નથી.
$ \Rightarrow $ જોકે, બાહ્યકની અંદરની સીમા, અંતઃસ્તર (endodermis), પાણી માટે અભેદ્ય હોય છે કારણ કે તેમાં સુબેરિનયુક્ત મેટ્રિક્સની પટ્ટી હોય છે જેને કાસ્પેરિયન પટ્ટી (casparian strip) કહે છે.
$ \Rightarrow $ પાણીના અણુઓ આ સ્તરમાંથી પસાર થઈ શકતા નથી, તેથી તેઓ કોષદીવાલના એવા ભાગો તરફ નિર્દેશિત થાય છે જે સુબેરિનયુક્ત નથી, અને કોષરસપટલ દ્વારા કોષોમાં પ્રવેશે છે. ત્યારબાદ પાણી સંદ્રવ્ય (symplast) દ્વારા ગતિ કરે છે અને જલવાહક પેશીના કોષો સુધી પહોંચવા માટે ફરીથી પટલને ઓળંગે છે. અંતઃસ્તરમાં પાણીનું વહન અંતે સંદ્રવ્ય માર્ગે થાય છે.
$ \Rightarrow $ આ એકમાત્ર રસ્તો છે જેના દ્વારા પાણી અને અન્ય દ્રાવ્યો વાહીપુલ (vascular cylinder) માં પ્રવેશી શકે છે.
$ \Rightarrow $ એકવાર જલવાહકમાં પ્રવેશ્યા પછી, પાણી ફરીથી કોષોની વચ્ચે તેમજ તેમની અંદર ગતિ કરવા માટે મુક્ત છે.
$ \Rightarrow $ યુવાન મૂળમાં, પાણી સીધું જ જલવાહક વાહિનીઓ અને/અથવા જલવાહિનીકીઓમાં પ્રવેશે છે. આ નિર્જીવ નલિકાઓ છે અને તેથી તે અપદ્રવ્યનો ભાગ છે.
$ \Rightarrow $ મૂળના વાહક તંત્રમાં પાણી અને ખનિજ આયનોનો માર્ગ આકૃતિમાં દર્શાવેલ છે.
$ \Rightarrow $ મૂળ અને ફૂગનું સહજીવન: કેટલાક છોડ સાથે વધારાની રચનાઓ જોડાયેલી હોય છે જે પાણી (અને ખનિજ) શોષણમાં મદદ કરે છે.
$ \Rightarrow $ માયકોરાઈઝા (Mycorrhiza) એ ફૂગ અને મૂળતંત્રનું સહજીવન છે.
$ \Rightarrow $ ફૂગના તંતુઓ યુવાન મૂળની આસપાસ જાળું બનાવે છે અથવા તેઓ મૂળના કોષોમાં પ્રવેશ કરે છે. કવકતંતુઓ (hyphae) પાસે ખૂબ જ મોટું સપાટીનું ક્ષેત્રફળ હોય છે જે જમીનમાંથી ખનિજ આયનો અને પાણીનું શોષણ કરે છે, જે મૂળ એકલા કરી શકતા નથી.
$ \Rightarrow $ ફૂગ મૂળને ખનિજો અને પાણી પૂરું પાડે છે; બદલામાં, મૂળ માયકોરાઈઝાને શર્કરા અને $N$ ધરાવતા સંયોજનો પૂરા પાડે છે.
$ \Rightarrow $ કેટલાક છોડ માયકોરાઈઝા સાથે ફરજિયાત જોડાણ ધરાવે છે. ઉદાહરણ તરીકે, $Pinus$ ના બીજ માયકોરાઈઝાની હાજરી વિના અંકુરિત થઈ શકતા નથી અને સ્થાપિત થઈ શકતા નથી.