સમાન બાહ્ય વિદ્યુતક્ષેત્રમાં મૂકેલા વિદ્યુત ડાયપોલ પર લાગતા ટોર્કનું સૂત્ર મેળવો.

(N/A) ધારો કે $\vec{p}$ ડાયપોલ મોમેન્ટ ધરાવતો એક કાયમી ડાયપોલ સમાન બાહ્ય વિદ્યુતક્ષેત્ર $\vec{E}$ માં મૂકેલો છે.
ધન વિદ્યુતભાર $+q$ પર લાગતું બળ $q\vec{E}$ છે અને ઋણ વિદ્યુતભાર $-q$ પર લાગતું બળ $-q\vec{E}$ છે. વિદ્યુતક્ષેત્ર $\vec{E}$ સમાન હોવાથી ડાયપોલ પરનું કુલ બળ શૂન્ય થાય છે.
જોકે,બંને વિદ્યુતભારો વચ્ચે $2a$ જેટલું અંતર હોવાથી,આ બળો અલગ-અલગ બિંદુઓ પર લાગે છે,જેના પરિણામે ડાયપોલ પર ટોર્ક ઉદભવે છે.
જ્યારે કુલ બળ શૂન્ય હોય,ત્યારે ટોર્ક (બળયુગ્મ) ઉગમબિંદુથી સ્વતંત્ર હોય છે.
ટોર્કનું મૂલ્ય = (દરેક બળનું મૂલ્ય) $\times$ (બંને બળો વચ્ચેનું લંબ અંતર)
$= qE \times (2a \sin \theta)$
$= (2qa) E \sin \theta$
ડાયપોલ મોમેન્ટ $p = 2qa$ હોવાથી,આપણને મળે છે:
$\tau = pE \sin \theta$
સદિશ સ્વરૂપમાં,ટોર્ક નીચે મુજબ દર્શાવી શકાય:
$\vec{\tau} = \vec{p} \times \vec{E}$
આ ટોર્ક ડાયપોલને વિદ્યુતક્ષેત્ર $\vec{E}$ ની દિશામાં ગોઠવવાનો પ્રયત્ન કરશે. જ્યારે $\vec{p}$ એ $\vec{E}$ ની દિશામાં હોય,ત્યારે ટોર્ક શૂન્ય થાય છે.