એક મજબૂત વિદ્યુતચુંબક (electromagnet) ના ગર્ભ (core) માટે કયા પદાર્થનો ઉપયોગ થાય છે?

કોઈલમાં પ્રવાહ પ્રેરિત કરવાની કોઈપણ એક રીત લખો.

સીધા વિદ્યુતપ્રવાહ ધારિત વાહકની ઉપર કે નીચે ચુંબકીય સોય મૂકવામાં આવે ત્યારે વાહકમાં વહેતા વિદ્યુતપ્રવાહની દિશાને આધારે તે કેવી રીતે વિચલિત થાય છે તે દર્શાવતી આકૃતિ દોરો.

જ્યારે ચુંબકીય હોકાયંત્રને વિદ્યુતપ્રવાહ ધારિત તારની નજીક રાખવામાં આવે છે ત્યારે તે કોણાવર્તન દર્શાવે છે. જો તારમાં વિદ્યુતપ્રવાહ વધારવામાં આવે,તો હોકાયંત્રના કોણાવર્તન પર શું અસર થશે? તમારા જવાબને કારણ સાથે સમજાવો.

એક વિદ્યાર્થી વિદ્યુતપ્રવાહ ધારિત સીધા વાહકની આસપાસ વિદ્યુતપ્રવાહની ચુંબકીય અસરનો અભ્યાસ કરવા માટે એક પ્રયોગ કરે છે. તે નીચે મુજબ અહેવાલ આપે છે:
$(i)$ વાહકની નજીક આપેલા બિંદુએ રાખેલી હોકાયંત્રની સોયના ઉત્તર ધ્રુવના વિચલનની દિશા,વાયરમાં વિદ્યુતપ્રવાહ મોકલતી બેટરીના ટર્મિનલ્સ બદલવા છતાં પણ બદલાતી નથી.
$(ii)$ આપેલી બેટરી માટે,જ્યારે હોકાયંત્રને વાહકથી દૂરના બિંદુ પર રાખવામાં આવે છે ત્યારે $N$-ધ્રુવના વિચલનનું પ્રમાણ ઘટે છે.
વિદ્યાર્થીના ઉપરોક્ત અવલોકનોમાંથી કયું અવલોકન ખોટું છે અને શા માટે?

બાજુમાં દર્શાવેલ વિદ્યુતપ્રવાહ ધારિત વર્તુળાકાર ગૂંચળા માટે,ચુંબકીય ક્ષેત્ર રેખાઓ દોરો. નક્કી કરો કે તેની કઈ સપાટી ઉત્તર ધ્રુવ તરીકે અને કઈ સપાટી દક્ષિણ ધ્રુવ તરીકે વર્તે છે. તમારા જવાબને સમર્થન આપવા માટે કારણ આપો.