એકકેન્દ્રિય સવર્ગ સ્પિસીઝના સૂત્ર લખવા માટેના નિયમો જણાવો.

(N/A) સવર્ગ સંયોજનોના સૂત્રો લખવા માટે નીચેના નિયમો લાગુ પાડવામાં આવે છે:
$(i)$ મધ્યસ્થ પરમાણુ પ્રથમ લખાય છે.
$(ii)$ ત્યારબાદ લિગેન્ડને મૂળાક્ષરના ક્રમમાં લખવામાં આવે છે.
$(iii)$ બહુદંતીય લિગેન્ડને પણ મૂળાક્ષર પ્રમાણે લખાય છે. સંક્ષિપ્તમાં દર્શાવેલ લિગેન્ડ માટે પણ સંક્ષિપ્ત કરેલા શબ્દનો પ્રથમ અક્ષરનો ઉપયોગ મૂળાક્ષરના ક્રમમાં સ્થાન દર્શાવવા માટે કરવામાં આવે છે.
$(iv)$ સંપૂર્ણ સવર્ગ સ્પિસીઝના સૂત્ર માટે,વીજભાર હોય કે ન હોય,તેને ચોરસ કૌંસમાં દર્શાવવામાં આવે છે. લિગેન્ડ બહુપરમાણ્વીય હોય તો તેનું સૂત્ર કૌંસની અંદર દર્શાવાય છે. સંક્ષિપ્ત નામ પણ કૌંસમાં દર્શાવાય છે.
$(v)$ સવર્ગ પ્રભાવક્ષેત્રમાં લિગેન્ડ અને ધાતુ વચ્ચે જગ્યા ન હોવી જોઈએ.
$(vi)$ જ્યારે વીજભાર ધરાવતી સવર્ગ સ્પિસીઝનું સૂત્ર લખવાનું હોય ત્યારે પ્રતિઆયનનો વીજભાર દર્શાવ્યા વગર,ચોરસ કૌંસની બહાર જમણી બાજુએ વીજભાર દર્શાવાય છે.
દા.ત.: $[Co(CN)_6]^{3-}$.
$(vii)$ ધનાયનનો વીજભાર ઋણાયનના વીજભાર વડે સમતોલિત કરવામાં આવે છે.