પૃથ્વી પરથી ફેંકવામાં આવતા પદાર્થ માટે નિષ્ક્રમણ ઝડપ કઈ બે બાબતો પર આધારિત નથી?

એક ગોળાકાર ગ્રહને ધ્યાનમાં લો જે તેની ધરી પર એવી રીતે ફરે છે કે તેના વિષુવવૃત્ત પરના બિંદુની ઝડપ $v$ છે અને વિષુવવૃત્ત પર ગુરુત્વાકર્ષણને કારણે અસરકારક પ્રવેગ ધ્રુવો પરના તેના મૂલ્યના $\frac{1}{3}$ છે. આ ગ્રહના ધ્રુવ પર રહેલા કણ માટે નિષ્ક્રમણ વેગ (escape velocity) કેટલો હશે?

$m$ દળનો એક ઉલ્કાપિંડ અનંત અંતરે $v$ ઝડપ ધરાવે છે,તો તે પૃથ્વીની સપાટી પર પહોંચે ત્યારે તેની ઝડપ કેટલી હશે? (જ્યાં $v_e$ એ પૃથ્વીની સપાટી પરથી નિષ્ક્રમણ ઝડપ છે.)

$m$ દળ ધરાવતો એક પદાર્થ પૃથ્વીની સપાટીથી $2R$ ($R$ એ પૃથ્વીની ત્રિજ્યા છે) જેટલા અંતરે રહેલો છે. પદાર્થ પૃથ્વીના ગુરુત્વાકર્ષણ ક્ષેત્રમાંથી બહાર નીકળી શકે તે માટે તેને આપવી પડતી લઘુત્તમ ઊર્જા કેટલી હશે?

$R$ ત્રિજ્યા ધરાવતી પૃથ્વીની સપાટી પરથી એક પદાર્થને નિષ્ક્રમણ વેગના અડધા વેગથી ઉર્ધ્વ દિશામાં ફેંકવામાં આવે છે. પદાર્થ દ્વારા પ્રાપ્ત કરવામાં આવતી મહત્તમ ઊંચાઈ કેટલી હશે?

$m$ દળ ધરાવતા એક પદાર્થને પૃથ્વીની સપાટીથી $\frac{R}{2}$ ઊંચાઈએથી મુક્ત કરવામાં આવે છે,જ્યાં $R$ એ પૃથ્વીની ત્રિજ્યા છે. જ્યારે તે પૃથ્વીની સપાટી સાથે અથડાય ત્યારે તેનો વેગ શોધો. (અહીં $v_e$ એ પૃથ્વીની સપાટી પરથી નિષ્ક્રમણ વેગ છે).