એક ચોરસ પ્લેટ $4 \,cm^2 / sec$ ના સમાન દરે સંકોચાઈ રહી છે. જ્યારે ચોરસની બાજુ $20 \,cm$ હોય, ત્યારે તેની પરિમિતિ ઘટવાનો દર કેટલો હશે?

જો વર્તુળનું ક્ષેત્રફળ સમાન દરે વધતું હોય,તો સાબિત કરો કે તેની પરિમિતિનો ફેરફારનો દર તેની ત્રિજ્યાના વ્યસ્ત પ્રમાણમાં હોય છે.

ચંદ્રની સપાટી પરથી $24 \ m/s$ ના વેગથી શિરોલંબ ઉપર ફેંકવામાં આવેલ પથ્થર $t$ સેકન્ડ પછી $s = 24t - 0.8t^2$ મીટરની ઊંચાઈ પ્રાપ્ત કરે છે. ચંદ્રની સપાટી પર ગુરુત્વાકર્ષણને કારણે પ્રવેગ $m/s^2$ માં કેટલો હશે?

જો એક ગોળાકાર ફુગ્ગાનો વ્યાસ $3x + \frac{9}{2}$ હોય,તો $x$ ની સાપેક્ષમાં તેના ઘનફળમાં થતા ફેરફારનો દર શોધો.

એક પાણીની ટાંકી ઉંધા શંકુ આકારની છે,જેનો અક્ષ શિરોલંબ અને શિરોબિંદુ સૌથી નીચે છે. તેનો અર્ધ-શિરોબિંદુ ખૂણો $\tan ^{-1}(0.5)$ છે. તેમાં $5 \ m^3/h$ ના અચળ દરે પાણી રેડવામાં આવે છે. જ્યારે ટાંકીમાં પાણીની ઊંડાઈ $4 \ m$ હોય,ત્યારે પાણીની સપાટી વધવાનો દર શોધો.

$5 \ m$ લાંબી એક સીડી દીવાલ સાથે ટેકવેલી છે. સીડીનો નીચેનો ભાગ જમીન પર દીવાલથી દૂર $2 \ cm/s$ ના દરે ખેંચવામાં આવે છે. જ્યારે સીડીનો નીચેનો ભાગ દીવાલથી $4 \ m$ દૂર હોય ત્યારે દીવાલ પર તેની ઊંચાઈ કેટલી ઝડપથી ઘટી રહી છે?