$m$ દળનો એક પદાર્થ સ્પ્રિંગના નીચેના છેડા સાથે જોડાયેલ છે,જેનો ઉપરનો છેડો સ્થિર છે. સ્પ્રિંગનું દળ અવગણ્ય છે. જ્યારે દળ $m$ ને થોડું નીચે ખેંચીને છોડવામાં આવે છે,ત્યારે તે $3 \ s$ ના આવર્તકાળ સાથે દોલન કરે છે. જ્યારે દળ $m$ માં $1 \ kg$ નો વધારો કરવામાં આવે છે,ત્યારે દોલનનો આવર્તકાળ $5 \ s$ થાય છે. $kg$ માં $m$ નું મૂલ્ય કેટલું છે?

એક લીસા ઢળતા સમતલ પર,$M$ દળ ધરાવતા પદાર્થને બે સ્પ્રિંગ વચ્ચે જોડવામાં આવ્યો છે. સ્પ્રિંગના બીજા છેડા મજબૂત આધાર સાથે જોડાયેલા છે. જો દરેક સ્પ્રિંગનો બળ અચળાંક $K$ હોય,તો પદાર્થના દોલનનો આવર્તકાળ (સ્પ્રિંગ દળરહિત છે તેમ ધારતા) કેટલો હશે?

એક ભારે પિત્તળનો ગોળો સ્પ્રિંગ સાથે લટકાવેલ છે અને તે $T$ આવર્તકાળ સાથે ઉર્ધ્વ દોલનો કરે છે. હવે આ ગોળાને પિત્તળની ઘનતા કરતાં $(1/10)$ ગણી ઘનતા ધરાવતા અશ્યાન (non-viscous) પ્રવાહીમાં ડૂબાડવામાં આવે છે. જ્યારે ગોળો સતત પ્રવાહીની અંદર રહે તે રીતે ઉર્ધ્વ દોલનો કરાવવામાં આવે,ત્યારે તેનો આવર્તકાળ કેટલો હશે?

$12 \,kg$ દળ ધરાવતી એક ટ્રે આકૃતિમાં દર્શાવ્યા મુજબ બે સમાન સ્પ્રિંગ દ્વારા આધારિત છે. જ્યારે ટ્રેને થોડી નીચે દબાવીને મુક્ત કરવામાં આવે છે, ત્યારે તે $1.5 \,s$ ના આવર્તકાળ સાથે સરળ આવર્ત ગતિ $(SHM)$ કરે છે. દરેક સ્પ્રિંગનો સ્પ્રિંગ અચળાંક કેટલો હશે?

$m$ દળ ધરાવતા પદાર્થને એક દળરહિત સ્પ્રિંગના એક છેડે બાંધેલ છે,જે એક નિશ્ચિત બિંદુથી શિરોલંબ લટકાવેલ છે. પદાર્થને હાથમાં પકડી રાખવામાં આવે છે,જેથી સ્પ્રિંગ ખેંચાયેલી કે દબાયેલી નથી. અચાનક હાથનો ટેકો દૂર કરવામાં આવે છે. દોલન દરમિયાન પદાર્થ દ્વારા પ્રાપ્ત કરવામાં આવેલું સૌથી નીચું સ્થાન તે બિંદુથી $4 \, cm$ નીચે છે જ્યાં તેને હાથમાં પકડવામાં આવ્યો હતો.
$(a)$ દોલનનો કંપવિસ્તાર કેટલો છે?
$(b)$ દોલનની આવૃત્તિ શોધો.

આકૃતિમાં દર્શાવ્યા મુજબની સિસ્ટમનો કુલ સ્પ્રિંગ અચળાંક કેટલો થશે?