એક ઘડિયાળ જે $20^\circ C$ તાપમાને સાચો સમય બતાવે છે,તેને $40^\circ C$ તાપમાને રાખવામાં આવે છે. જો લોલકનો રેખીય પ્રસરણાંક $12 \times 10^{-6} /^\circ C$ હોય,તો તે દિવસ દરમિયાન કેટલો સમય ગુમાવશે કે મેળવશે?

$50\; cm$ લંબાઈ અને $3.0\; mm$ વ્યાસ ધરાવતા પિત્તળના સળિયાને તેટલી જ લંબાઈ અને વ્યાસ ધરાવતા સ્ટીલના સળિયા સાથે જોડવામાં આવે છે. જો મૂળ લંબાઈ $40.0\; ^{\circ}C$ તાપમાને હોય,તો $250\; ^{\circ}C$ તાપમાને સંયુક્ત સળિયાની લંબાઈમાં થતો ફેરફાર કેટલો હશે? શું જંકશન પર કોઈ 'થર્મલ સ્ટ્રેસ' (ઉષ્મીય પ્રતિબળ) ઉત્પન્ન થાય છે? સળિયાના છેડા મુક્ત રીતે વિસ્તરણ પામી શકે છે. (પિત્તળનો રેખીય પ્રસરણાંક $= 2.0 \times 10^{-5}\; K^{-1}$,સ્ટીલ $= 1.2 \times 10^{-5}\; K^{-1}$)

$0^{\circ} C$ તાપમાને સ્ટીલની એક શીટ $40 \ cm$ લાંબી અને $5 \ cm$ પહોળી છે. $100^{\circ} C$ તાપમાને શીટનું ક્ષેત્રફળ $1.4 \ cm^2$ જેટલું વધે છે. તો સ્ટીલનો રેખીય પ્રસરણાંક કેટલો હશે?

એક ગોળો એવા પ્રવાહી પર તરે છે જેનું કદ તાપમાન સાથે બદલાતું નથી. $t_1$ અને $t_2$ તાપમાને ગોળાનો $f_1$ અને $f_2$ જેટલો ભાગ પ્રવાહીમાં ડૂબેલો રહે છે. ગોળાનો કદ પ્રસરણાંક કેટલો હશે?

સ્ટીલની બનેલી એક મીટર સ્કેલ $25^{\circ} C$ તાપમાને સચોટ માપ આપે છે. ધારો કે એક પ્રયોગમાં $1 \,m$ લંબાઈમાં $0.06 \,mm$ ની ચોકસાઈ જરૂરી છે, તો આ મીટર સ્કેલ વડે પ્રયોગ કરી શકાય તેવા તાપમાનનો ગાળો કેટલો હશે? (સ્ટીલનો રેખીય પ્રસરણાંક $11 \times 10^{-6} /{ }^{\circ} C$ છે)

સાબિત કરો કે ઘન પદાર્થની લંબચોરસ શીટનો ક્ષેત્રફળ પ્રસરણાંક,$(\Delta A / A) / \Delta T,$ તેના રેખીય પ્રસરણાંક $\alpha_{l}$ કરતા બમણો હોય છે.