$ETS$ સમજાવો.

(N/A) $ETS$ અથવા ઇલેક્ટ્રોન ટ્રાન્સપોર્ટ સિસ્ટમ (ઇલેક્ટ્રોન પરિવહન તંત્ર) કણાભસૂત્રના અંતઃપટલમાં આવેલું હોય છે. તે ગ્લાયકોલિસિસ અને સાઇટ્રિક એસિડ ચક્ર દરમિયાન નિર્માણ પામતા $NADH + H^+$ અને $FADH_2$ માં સંગ્રહિત ઊર્જાને મુક્ત કરવામાં અને તેનો ઉપયોગ કરવામાં મદદ કરે છે. $NADH + H^+$ નું ઓક્સિડેશન $NADH$ ડિહાઈડ્રોજનેઝ (સંકુલ $I$) દ્વારા થાય છે. ઉત્પન્ન થયેલા ઇલેક્ટ્રોન $FMN$ દ્વારા યુબિકવિનોન (ubiquinone) માં સ્થાનાંતરિત થાય છે. તેવી જ રીતે,સાઇટ્રિક એસિડ ચક્ર દરમિયાન ઉત્પન્ન થયેલ $FADH_2$ (સંકુલ $II$) તેના ઇલેક્ટ્રોન યુબિકવિનોનને આપે છે. યુબિકવિનોનમાંથી ઇલેક્ટ્રોન સાયટોક્રોમ $bc_1$ (સંકુલ $III$) દ્વારા મેળવવામાં આવે છે અને ત્યારબાદ સાયટોક્રોમ $c$ માં સ્થાનાંતરિત થાય છે. સાયટોક્રોમ $c$ એ સંકુલ $III$ અને સાયટોક્રોમ $c$ ઓક્સિડેઝ સંકુલ (જેમાં સાયટોક્રોમ $a$ અને $a_3$ તેમજ કોપર કેન્દ્રો હોય છે,સંકુલ $IV$) વચ્ચે મોબાઈલ વાહક તરીકે કાર્ય કરે છે.
દરેક સંકુલમાંથી ઇલેક્ટ્રોનના સ્થાનાંતરણ દરમિયાન,આ પ્રક્રિયા $ATP$ સિન્થેઝ (સંકુલ $V$) ની ક્રિયા દ્વારા $ADP$ અને અકાર્બનિક ફોસ્ફેટમાંથી $ATP$ ના ઉત્પાદન સાથે જોડાયેલી હોય છે. ઉત્પન્ન થયેલ $ATP$ ની માત્રા ઓક્સિડેશન પામતા અણુ પર આધાર રાખે છે. સામાન્ય રીતે,$NADH$ ના એક અણુના ઓક્સિડેશનથી $3$ $ATP$ અણુઓ અને $FADH_2$ ના એક અણુના ઓક્સિડેશનથી $2$ $ATP$ અણુઓ ઉત્પન્ન થાય છે.