વિદ્યુતક્ષેત્ર અને તેના ઉદગમ તેમજ ચુંબકીય ક્ષેત્ર અને તેના ઉદગમ વિશે સમજૂતી આપો.

(N/A) વિદ્યુતક્ષેત્રનું ઉદગમ વિદ્યુતભાર છે.
જો $Q$ વિદ્યુતભાર સ્થિર હોય,તો તેની આસપાસ ઉત્પન્ન થતું વિદ્યુતક્ષેત્ર નીચે મુજબ છે:
$\overrightarrow{E} = \frac{k Q}{r^{2}} \hat{r} = \frac{Q}{4 \pi \epsilon_{0} r^{2}} \hat{r}$
જ્યાં $\hat{r}$ એ સ્થાન સદિશ $\vec{r}$ નો એકમ સદિશ છે અને $\overrightarrow{E}$ એ વિદ્યુતક્ષેત્ર સદિશ છે.
વિદ્યુતક્ષેત્રમાં રહેલા વિદ્યુતભારિત કણ $q$ પર લાગતું બળ નીચે મુજબ છે:
$\overrightarrow{F} = q \overrightarrow{E} = \frac{k Q q}{r^{2}} \hat{r}$
વિદ્યુતક્ષેત્ર ઉર્જા અને વેગમાનનું વહન કરે છે અને તે મર્યાદિત ઝડપે પ્રસરણ પામે છે. કોઈપણ બિંદુએ ક્ષેત્ર એક અથવા વધુ વિદ્યુતભારોને કારણે હોઈ શકે છે,જ્યાં કુલ ક્ષેત્ર એ વ્યક્તિગત ક્ષેત્રોનો સદિશ સરવાળો છે (સુપરપોઝિશનનો સિદ્ધાંત).
સ્થિર વિદ્યુતભારો માત્ર વિદ્યુતક્ષેત્ર ઉત્પન્ન કરે છે. ગતિમાન વિદ્યુતભારો (પ્રવાહો) વિદ્યુતક્ષેત્ર અને ચુંબકીય ક્ષેત્ર બંને ઉત્પન્ન કરે છે,જેને $\overrightarrow{B}(\vec{r})$ દ્વારા દર્શાવવામાં આવે છે.
ચુંબકીય ક્ષેત્ર એ સદિશ રાશિ છે જે અવકાશમાં દરેક બિંદુએ વ્યાખ્યાયિત થાય છે અને તે સમય સાથે બદલાઈ શકે છે. અનેક ઉદગમોનું ચુંબકીય ક્ષેત્ર એ દરેક વ્યક્તિગત ઉદગમના ચુંબકીય ક્ષેત્રોનો સદિશ સરવાળો છે,જે સુપરપોઝિશનના સિદ્ધાંતનું પાલન કરે છે.