પ્રવાહીમાં કોઈપણ બિંદુએ દબાણ માપવા માટેના સાધનને ટૂંકમાં સમજાવો.

(N/A) આકૃતિમાં દબાણ માપવા માટેના સાધનનું આદર્શ સ્વરૂપ દર્શાવેલ છે.
તેમાં એક શૂન્યાવકાશિત ચેમ્બર અને સ્પ્રિંગ હોય છે,જે પિસ્ટન પર લાગતા બળને માપવા માટે અંશાંકિત (calibrated) કરેલી હોય છે.
આ સાધનને પ્રવાહીની અંદર કોઈ બિંદુએ મૂકવામાં આવે છે.
પ્રવાહી દ્વારા પિસ્ટન પર લાગતું અંદરની તરફનું બળ $\Delta F$ એ બહારની તરફના સ્પ્રિંગ બળ દ્વારા સંતુલિત થાય છે અને આ રીતે તેનું માપન થાય છે.
$\Delta A$ ક્ષેત્રફળ ધરાવતા પિસ્ટનની સપાટી પર લાગતું પ્રવાહીનું દબાણ $P = \frac{\Delta F}{\Delta A}$ દ્વારા આપવામાં આવે છે.
પિસ્ટનનું ક્ષેત્રફળ અત્યંત નાનું કરી શકાય છે. તેથી દબાણને મર્યાદિત અર્થમાં $P = \lim_{\Delta A \rightarrow 0} \frac{\Delta F}{\Delta A}$ તરીકે વ્યાખ્યાયિત કરવામાં આવે છે.