તાંબાની ઉષ્મીય વાહકતાનો ગુણાંક સ્ટીલ કરતા $9$ ગણો છે. આકૃતિમાં દર્શાવેલ સંયુક્ત નળાકાર સળિયામાં,તાંબા અને સ્ટીલના જોડાણ પાસેનું તાપમાન કેટલું હશે ($^{\circ} C$ માં)?

એક નળાકાર સળિયાના બંને છેડાઓનું તાપમાન $T_1$ અને $T_2$ છે. ઉષ્માના વહનનો દર $Q_1 \text{ cal s}^{-1}$ છે. જો સળિયાની લંબાઈ અને ત્રિજ્યા બમણી કરવામાં આવે અને તાપમાન અચળ રાખવામાં આવે,તો ઉષ્માના વહનનો નવો દર $Q_2$ કેટલો થશે?

$1.0 \ m$ લંબાઈ અને $100 \ cm^2$ આડછેદનું ક્ષેત્રફળ ધરાવતા ધાતુના સળિયાનો એક છેડો $100^{\circ}C$ તાપમાને રાખવામાં આવે છે. જો સળિયાનો બીજો છેડો $0^{\circ}C$ તાપમાને રાખવામાં આવે,તો પ્રતિ મિનિટ સળિયામાંથી પસાર થતી ઉષ્માનો જથ્થો કેટલો હશે? (સળિયાના દ્રવ્યનો ઉષ્મા વાહકતા ગુણાંક = $100 \ W/m-K$)

એક નળાકાર ધાતુનો સળિયો તેના બે છેડાઓ પર બે ઉષ્માના રિઝર્વોયર સાથે ઉષ્મીય સંપર્કમાં છે અને તે '$t$' સમયમાં '$Q_1$' જેટલી ઉષ્માનું વહન કરે છે. આ ધાતુના સળિયાને ઓગાળીને મૂળ સળિયાની લંબાઈ કરતાં ચાર ગણી લંબાઈનો નવો સળિયો બનાવવામાં આવે છે. જ્યારે આ નવા સળિયાને તે જ બે રિઝર્વોયર સાથે '$t$' સમય માટે ઉષ્મીય સંપર્કમાં રાખવામાં આવે ત્યારે વહન પામતી ઉષ્મા '$Q_2$' છે. તો $\frac{Q_1}{Q_2}$ ની કિંમત શોધો.

બે ધાતુના સળિયા $1$ અને $2$ ની લંબાઈ સમાન છે અને તેમના છેડાઓ વચ્ચે તાપમાનનો તફાવત પણ સમાન છે. તેમની ઉષ્મા વાહકતા અનુક્રમે $K_1$ અને $K_2$ છે અને આડછેદનું ક્ષેત્રફળ અનુક્રમે $A_1$ અને $A_2$ છે. તેમાં સમાન દરે ઉષ્માના વહન માટેની શરત ........ છે.

બે પાત્રો સમાન આકાર અને દિવાલની જાડાઈ ધરાવે છે,પરંતુ તે અલગ-અલગ પદાર્થોના બનેલા છે. તેમાં સમાન જથ્થામાં $0^{\circ}C$ તાપમાનનો બરફ ભરવામાં આવે છે. જો બરફ અનુક્રમે $10$ અને $25$ મિનિટમાં સંપૂર્ણપણે પીગળી જતો હોય,તો પાત્રોના પદાર્થોની ઉષ્માવાહકતાનો ગુણોત્તર કેટલો થાય?