એક કેશિકા નળીનો નીચેનો છેડો પાણીમાં ડૂબાડવામાં આવે છે અને અવલોકન કરવામાં આવે છે કે કેશિકા નળીમાં પાણી $7.5 \ cm$ જેટલું ઉપર ચઢે છે. જો પાણીનું પૃષ્ઠતાણ $7.5 \times 10^{-2} \ N \ m^{-1}$ હોય,તો વપરાયેલી કેશિકા નળીની ત્રિજ્યા શોધો. પાણી અને કાચ વચ્ચેનો સંપર્કકોણ $0^{\circ}$ છે અને ગુરુત્વાકર્ષણ પ્રવેગ $10 \ m \ s^{-2}$ છે.

ફાનસમાં કેરોસીન તેલ વાટમાં ઉપર ચઢે છે,તેનું કારણ શું છે?

એક કાચની કેશ નળી (capillary tube) શંકુના આડછેદ (truncated cone) આકારની છે,જેનો શિરોબિંદુ ખૂણો $\alpha$ છે,જેથી તેના બે છેડાઓ અલગ-અલગ ત્રિજ્યાના આડછેદ ધરાવે છે. જ્યારે તેને પાણીમાં શિરોલંબ ડુબાડવામાં આવે છે,ત્યારે પાણી તેમાં $h$ ઊંચાઈ સુધી ઉપર ચઢે છે,જ્યાં તેના આડછેદની ત્રિજ્યા $b$ છે. જો પાણીનું પૃષ્ઠતાણ $S$ હોય,તેની ઘનતા $\rho$ હોય,અને કાચ સાથેનો સંપર્કકોણ $\theta$ હોય,તો $h$ નું મૂલ્ય કેટલું હશે? ($g$ એ ગુરુત્વપ્રવેગ છે.)

કેશિકા નળીના બોરની ત્રિજ્યા $r$ છે અને પ્રવાહીનો સંપર્કકોણ $\theta$ છે. જ્યારે નળીને પ્રવાહીમાં ડૂબાડવામાં આવે છે,ત્યારે નળીમાં ઉપર ચઢતા પ્રવાહીની મેનિસ્કસની વક્રતા ત્રિજ્યા કેટલી હશે?

$r$ ત્રિજ્યા ધરાવતી કેશિકા નળીનો એક છેડો પાણીમાં ઊભી રીતે ડૂબાડવામાં આવે ત્યારે પાણીના સ્તંભના વધારા માટે ઉત્પન્ન થતી ઉષ્મા કેટલી હશે? (ધારો કે પૃષ્ઠતાણ $= T$ અને પાણીની ઘનતા $= \rho$)

જ્યારે કેશનળીને પાણીમાં શિરોલંબ ડુબાડવામાં આવે છે,ત્યારે પાણી નળીમાં $h$ ઊંચાઈ સુધી ઉપર ચઢે છે. જો બીજી કેશનળીની ત્રિજ્યા અગાઉની નળી કરતાં $\frac{1}{3}$ ગણી હોય,તો આ નળીમાં પાણી કેટલી ઊંચાઈ સુધી ચઢશે?