બે વહાણો એક લાઇટહાઉસની વિરુદ્ધ દિશામાં લાંગરેલા છે. લાઇટહાઉસની ટોચ પરથી એક વહાણનો અવસેધકોણ $60^{\circ}$ છે અને તે જ જગ્યાએથી બીજા વહાણનો અવસેધકોણ $30^{\circ}$ માલૂમ પડે છે. જો $60^{\circ}$ ના અવસેધકોણવાળું વહાણ લાઇટહાઉસથી $150\,m$ દૂર હોય,તો આ બંને વહાણો વચ્ચેનું અંતર શોધો (મીટરમાં).

જમીન પરના એક બિંદુથી,$20 \, m$ ઊંચી ઇમારતની ટોચ પર સ્થિત ટ્રાન્સમિશન ટાવરના તળિયા અને ટોચના ઉત્સેધકોણ અનુક્રમે $45^{\circ}$ અને $60^{\circ}$ છે. ટાવરની ઊંચાઈ શોધો.

ટાવરના પાયાથી ઇમારતની ટોચનો ઉત્સેધકોણ $30^{\circ}$ છે અને ઇમારતના પાયાથી ટાવરની ટોચનો ઉત્સેધકોણ $60^{\circ}$ છે. જો ટાવરની ઊંચાઈ $50\, m$ હોય,તો ઇમારતની ઊંચાઈ શોધો.

એક નિસરણી શિરોલંબ દીવાલ સાથે ક્ષિતિજ સમાંતર $\alpha$ ખૂણે ટેકવેલી છે. તેનો નીચેનો છેડો દીવાલથી $p$ અંતર જેટલો દૂર ખેંચવામાં આવે છે,જેથી તેનો ઉપરનો છેડો દીવાલ પર $q$ અંતર જેટલો નીચે સરકે છે અને હવે નિસરણી ક્ષિતિજ સમાંતર સાથે $\beta$ ખૂણો બનાવે છે.
સાબિત કરો કે $\frac{p}{q}=\frac{\cos \beta-\cos \alpha}{\sin \alpha-\sin \beta}$

ટાવરની ટોચ પરથી અવલોકન કરતા,ટાવરના પાયાથી $30 \ m$ દૂર રહેલી વસ્તુનો અવસેધકોણ $45^\circ$ માલૂમ પડે છે. ટાવરની ઊંચાઈ શોધો (મીટરમાં).

જમીન પરના બિંદુ $A$ થી,જે ઇમારતના પાયાથી $x \ m$ દૂર છે,ત્યાંથી જોતા ઇમારતની ઊંચાઈ $y$ છે અને ઇમારતની ટોચનો ઉત્સેધકોણ $25^\circ$ માલૂમ પડે છે. તો,$\ldots \ldots \ldots \ldots .$