જુદા જુદા દળ $m_1$ અને $m_2$ ધરાવતા બે નાના ધાતુના ગોળાઓને સમાન લંબાઈની દોરીઓ વડે એક નિશ્ચિત બિંદુ સાથે જોડવામાં આવ્યા છે. જ્યારે ગોળાઓને સમાન વિદ્યુતભાર આપવામાં આવે છે,ત્યારે બંને દોરીઓ શિરોલંબ સાથે અનુક્રમે $30^{\circ}$ અને $60^{\circ}$ ના ખૂણા બનાવે છે. ગુણોત્તર $m_1 / m_2$ કોની નજીક છે?

$r$ જેટલા અંતરે રહેલા બે સમાન વિદ્યુતભારીત ગોળાઓ એકબીજાને $F$ બળથી અપાકર્ષે છે. જો એક ગોળામાંથી બીજા ગોળામાં $10 \%$ ઇલેક્ટ્રોન સ્થાનાંતરિત કરવામાં આવે,તો તેમની વચ્ચેનું બળ કેટલું થશે?

એક ચોક્કસ વિદ્યુતભાર $2Q$ ને પહેલા બે ભાગ $q_{1}$ અને $q_{2}$ માં વિભાજિત કરવામાં આવે છે. ત્યારબાદ આ વિદ્યુતભારોને એક ચોક્કસ અંતરે રાખવામાં આવે છે. જો બે વિદ્યુતભારો વચ્ચેનું આંતરક્રિયા બળ મહત્તમ હોય,તો $\frac{Q}{q_{1}}$ ની કિંમત શોધો.

સમાન મૂલ્યના અને વિરુદ્ધ ચિહ્ન ધરાવતા બે બિંદુવત વિદ્યુતભારોને અમુક અંતરે મૂકવામાં આવે છે. તેમની વચ્ચે લાગતું બળ $F$ છે. જો એક વિદ્યુતભારનો $75\%$ વિદ્યુતભાર બીજા વિદ્યુતભારને આપવામાં આવે,તો તેમની વચ્ચે લાગતું નવું બળ કેટલું થશે?

બે સમાન રીતે વીજભારિત નાના દડાઓ નિશ્ચિત અંતરે રાખેલા છે અને તેમની વચ્ચે લાગતું બળ $F$ છે. એક સમાન વીજભાર રહિત દડાને તેમાંથી એક દડા સાથે સ્પર્શ કરાવ્યા પછી,બંને દડાઓની વચ્ચેના મધ્યબિંદુ પર મૂકવામાં આવે છે. આ દડા પર લાગતું બળ કેટલું હશે?

સમાન લંબાઈની દોરીઓ વડે બે સમાન વિદ્યુતભારીત ગોળાઓને લટકાવવામાં આવે છે. દોરીઓ એકબીજા સાથે $30^{\circ}$ નો ખૂણો બનાવે છે. જ્યારે તેમને $0.8 \, g \cdot cm^{-3}$ ઘનતા ધરાવતા પ્રવાહીમાં ડુબાડવામાં આવે છે,ત્યારે પણ ખૂણો સમાન રહે છે. જો ગોળાના પદાર્થની ઘનતા $1.6 \, g \cdot cm^{-3}$ હોય,તો પ્રવાહીનો ડાય-ઈલેક્ટ્રિક અચળાંક શોધો.