નીચેનામાંથી કયા સંયોજનો આલ્ડોલ સંઘનન,કયા કેનિઝારો પ્રક્રિયા અને કયા કોઈ પણ પ્રક્રિયા આપશે નહીં? આલ્ડોલ સંઘનન અને કેનિઝારો પ્રક્રિયાની અપેક્ષિત નીપજોના બંધારણો લખો.
$(i)$ મેથેનાલ $(ii)$ $2-$મિથાઈલપેન્ટેનાલ $(iii)$ બેન્ઝાલ્ડિહાઈડ $(iv)$ બેન્ઝોફિનોન $(v)$ સાયક્લોહેક્ઝેનોન $(vi)$ $1-$ફિનાઈલપ્રોપેનોન $(vii)$ ફિનાઈલએસીટાલ્ડિહાઈડ $(viii)$ બ્યુટેન$-1-$ઓલ $(ix)$ $2,2-$ડાયમિથાઈલબ્યુટેનાલ

(N/A) ઓછામાં ઓછો એક $\alpha-$હાઈડ્રોજન ધરાવતા આલ્ડિહાઈડ અને કીટોન આલ્ડોલ સંઘનન પ્રક્રિયા આપે છે. સંયોજનો $(ii)$ $2-$મિથાઈલપેન્ટેનાલ,$(v)$ સાયક્લોહેક્ઝેનોન,$(vi)$ $1-$ફિનાઈલપ્રોપેનોન અને $(vii)$ ફિનાઈલએસીટાલ્ડિહાઈડ એક અથવા વધુ $\alpha-$હાઈડ્રોજન પરમાણુઓ ધરાવે છે. તેથી,તેઓ આલ્ડોલ સંઘનન આપે છે.
$\alpha-$હાઈડ્રોજન પરમાણુ ન ધરાવતા આલ્ડિહાઈડ કેનિઝારો પ્રક્રિયા આપે છે. સંયોજનો $(i)$ મેથેનાલ,$(iii)$ બેન્ઝાલ્ડિહાઈડ અને $(ix)$ $2,2-$ડાયમિથાઈલબ્યુટેનાલ પાસે કોઈ $\alpha-$હાઈડ્રોજન નથી. તેથી,તેઓ કેનિઝારો પ્રક્રિયા આપે છે.
સંયોજન $(iv)$ બેન્ઝોફિનોન એ $\alpha-$હાઈડ્રોજન ન ધરાવતો કીટોન છે અને સંયોજન $(viii)$ બ્યુટેન$-1-$ઓલ એ આલ્કોહોલ છે. તેથી,આ સંયોજનો આલ્ડોલ સંઘનન કે કેનિઝારો પ્રક્રિયા આપતા નથી.