$k$ જેટલો બળ અચળાંક ધરાવતી સ્પ્રિંગને બે સમાન ભાગોમાં કાપવામાં આવે છે. દરેક ભાગનો બળ અચળાંક કેટલો હશે?

$K_1$ અને $K_2$ સ્પ્રિંગ અચળાંક ધરાવતી બે દળરહિત સ્પ્રિંગોને શ્રેણીમાં જોડીને શિરોલંબ લટકાવવામાં આવે છે અને મુક્ત છેડા પર અમુક દળ લટકાવવામાં આવે છે. જો $e_1$ અને $e_2$ તેમના અનુક્રમે વિસ્તરણ હોય અને $f$ એ ખેંચાણ બળ હોય,તો ઉત્પન્ન થતું કુલ વિસ્તરણ કેટલું હશે?

સમાન કુદરતી લંબાઈ અને સ્પ્રિંગ અચળાંક $k_1$ અને $k_2$ ધરાવતી બે હલકી શિરોલંબ સ્પ્રિંગો એકબીજાથી $l$ અંતરે આવેલી છે. તેમના ઉપરના છેડા છત સાથે અને નીચેના છેડા એક હલકા આડા સળિયા $AB$ ના છેડા $A$ અને $B$ સાથે જોડાયેલા છે. સળિયા પરના બિંદુ $C$ પર એક શિરોલંબ નીચેની તરફ બળ $F$ લગાડવામાં આવે છે. જો $AC$ અંતર કેટલું હોય તો સંતુલન સ્થિતિમાં $AB$ આડો રહેશે?

$100 \ gm$ અને $250 \ gm$ દળના બે દડાઓ $A$ અને $B$ અવગણ્ય દળવાળી ખેંચાયેલી સ્પ્રિંગ વડે જોડેલા છે અને લીસા ટેબલ પર મૂકેલા છે. જ્યારે બંને દડાઓને એક સાથે છોડવામાં આવે છે,ત્યારે $B$ દડાનો પ્રારંભિક પ્રવેગ પશ્ચિમ દિશામાં $10 \ cm/s^2$ છે. $A$ દડાના પ્રારંભિક પ્રવેગનું મૂલ્ય અને દિશા શોધો.

$K_{A}$ અને $K_{B}$ $(K_{A} = 2 K_{B})$ સ્પ્રિંગ અચળાંક ધરાવતી બે સ્પ્રિંગ $A$ અને $B$ ને સમાન મૂલ્યના બળ લગાડીને ખેંચવામાં આવે છે. જો સ્પ્રિંગ $A$ માં સંગ્રહિત ઉર્જા $E_{A}$ હોય,તો સ્પ્રિંગ $B$ માં સંગ્રહિત ઉર્જા કેટલી હશે?

એક લાંબી સ્પ્રિંગને $2 \ cm$ ખેંચવામાં આવે છે અને તેની સ્થિતિ ઊર્જા $U$ છે. જો સ્પ્રિંગને $10 \ cm$ ખેંચવામાં આવે,તો તેની સ્થિતિ ઊર્જા કેટલી થશે?