$5 \ kg$ દળનો એક પદાર્થ સ્થિર સ્થિતિમાંથી ત્રણ ટુકડાઓમાં વિસ્ફોટ પામે છે. ત્રણેય ટુકડાઓના દળનો ગુણોત્તર $1 : 1 : 3$ છે. સમાન દળ ધરાવતા બે ટુકડાઓ એકબીજાને લંબ દિશામાં $21 \ m/s$ ના વેગથી ગતિ કરે છે. તો સૌથી ભારે ટુકડાનો વેગ $m/s$ માં કેટલો હશે?

એક દડાને $200 \, m/s$ ના વેગથી સમક્ષિતિજ સાથે $60^{\circ}$ ના ખૂણે ફેંકવામાં આવે છે. તેની ગતિ દરમિયાન મહત્તમ ઊંચાઈએ તે $3$ સમાન ટુકડાઓમાં વિસ્ફોટ પામે છે. તેમાંથી એક ટુકડો $100 \, m/s$ ના વેગથી શિરોલંબ ઉપરની તરફ અને બીજો $100 \, m/s$ ના વેગથી શિરોલંબ નીચેની તરફ ગતિ કરે છે,તો વિસ્ફોટ પછી તરત જ ત્રીજા ટુકડાની ઝડપ કેટલી હશે?

$9\,kg$ દળનો એક બોમ્બ $3\,kg$ અને $6\,kg$ ના બે ટુકડાઓમાં વિસ્ફોટ પામે છે. $3\,kg$ દળના ટુકડાનો વેગ $1.6\,m/s$ છે. $6\,kg$ દળના ટુકડાની ગતિઊર્જા ............ $J$ છે.

$v$ વેગથી ગતિ કરતા $m$ દળના એક શેલના અચાનક $2$ ટુકડા થાય છે. $m/4$ દળ ધરાવતો ભાગ સ્થિર રહે છે. તો બીજા શેલનો વેગ કેટલો હશે?

એક $300 \ kg$ ની ટ્રોલીમાં $25 \ kg$ ની રેતીની બેગ છે,જે ઘર્ષણ રહિત ટ્રેક પર $27 \ km/hr$ ની અચળ ઝડપે ગતિ કરે છે. થોડા સમય પછી,રેતીની બેગમાંથી $0.05 \ kg/s$ ના દરે રેતી ટ્રોલીના તળિયે પડે છે. જ્યારે રેતીની બેગ સંપૂર્ણપણે ખાલી થઈ જાય ત્યારે ટ્રોલીની ઝડપ $km/hr$ માં શોધો.

સ્થિર અવસ્થામાં રહેલો એક બોમ્બ સમાન દળના ત્રણ ટુકડાઓમાં વિસ્ફોટ પામે છે. જો બે ટુકડાઓ એકબીજાને લંબ દિશામાં $v$ જેટલી ઝડપથી ગતિ કરતા હોય,તો ત્રીજા ટુકડાની ઝડપ કેટલી હશે?