$m$ દળ અને $q$ વિદ્યુતભાર ધરાવતો એક ઇલેક્ટ્રોન $B$ તીવ્રતા ધરાવતા સમાન ચુંબકીય ક્ષેત્રને લંબ $v$ ઝડપથી $r$ ત્રિજ્યાના વર્તુળાકાર પથ પર ગતિ કરે છે. જો ઇલેક્ટ્રોનની ઝડપ બમણી કરવામાં આવે અને ચુંબકીય ક્ષેત્ર અડધું કરવામાં આવે,તો પરિણામી પથની ત્રિજ્યા કેટલી થશે?

જો વિદ્યુતભારિત કણના પ્રારંભિક વેગની દિશા ચુંબકીય ક્ષેત્રની દિશામાં પણ ન હોય અને તેને લંબ પણ ન હોય,તો તેનો ગતિપથ કેવો હશે?

ચુંબકીય ક્ષેત્ર $\overrightarrow{B} = B_0 \hat{j}$ એ $a < x < 2a$ વિસ્તારમાં અને $\overrightarrow{B} = -B_0 \hat{j}$ એ $2a < x < 3a$ વિસ્તારમાં અસ્તિત્વ ધરાવે છે,જ્યાં $B_0$ એ ધન અચળાંક છે. $v_0$ વેગ સાથે ગતિ કરતો એક ધન બિંદુવત વિદ્યુતભાર,જ્યાં $v_0$ એ ધન અચળાંક છે,$x = a$ આગળ ચુંબકીય ક્ષેત્રમાં પ્રવેશે છે. આ વિસ્તારમાં વિદ્યુતભારનો ગતિપથ કેવો હોઈ શકે?

એક ધન વિદ્યુતભારિત કણ આકૃતિમાં દર્શાવ્યા મુજબ સમાન ત્રાંસા ચુંબકીય ક્ષેત્રના વિસ્તારમાં પ્રવેશે છે. કણના પથમાં થતું કુલ વિચલન શોધો.

સમાન ચુંબકીય ક્ષેત્ર $\vec{B}$ માં $\vec{v}$ વેગથી ગતિ કરતા વિદ્યુતભાર $q$ પર લાગતા ચુંબકીય બળનું સૂત્ર તારવો.

એક પ્રોટોન, એક ડ્યુટેરોન અને એક $\alpha$-કણ સમાન ગતિઊર્જા સાથે તેમના વેગને લંબરૂપ ચુંબકીય ક્ષેત્રમાં પ્રવેશ કરે છે. જો $r_p, r_d$ અને $r_\alpha$ એ આ કણોના વર્તુળાકાર માર્ગની ત્રિજ્યાઓ હોય, તો: