તાપમાન સાથે અવરોધકતાની ગુણાત્મક નિર્ભરતા સમજાવો.

(N/A) પદાર્થની વાહકતા $\sigma = \frac{n e^{2} \tau}{m}$ દ્વારા આપવામાં આવે છે.
અવરોધકતા $\rho$ એ વાહકતાનો વ્યસ્ત છે,તેથી $\rho = \frac{1}{\sigma} = \frac{m}{n e^{2} \tau}$.
અહીં $m$ (ઇલેક્ટ્રોનનું દળ) અને $e$ (ઇલેક્ટ્રોનનો વીજભાર) અચળ હોવાથી,$\rho \propto \frac{1}{n}$ અને $\rho \propto \frac{1}{\tau}$.
આમ,અવરોધકતા એ સંખ્યા ઘનતા $(n)$ અને રિલેક્સેશન સમય $(\tau)$ ના વ્યસ્ત પ્રમાણમાં હોય છે.
ધાતુઓમાં,જેમ તાપમાન વધે છે,તેમ ઇલેક્ટ્રોનની સરેરાશ ઝડપ વધે છે,જેના કારણે અથડામણો વારંવાર થાય છે અને રિલેક્સેશન સમય $(\tau)$ ઘટે છે. ધાતુઓમાં $n$ તાપમાન પર આધારિત નથી,તેથી $\tau$ માં ઘટાડો થવાને કારણે અવરોધકતા $(\rho)$ વધે છે.
અર્ધવાહકો અને અવાહકોમાં,તાપમાન વધવાથી વીજભાર વાહકોના ઉષ્મીય ઉત્તેજનને કારણે સંખ્યા ઘનતા $(n)$ નોંધપાત્ર રીતે વધે છે. આ $n$ માં વધારો એ $\tau$ માં થતા ફેરફાર કરતા વધુ પ્રભાવી હોય છે,જેના કારણે તાપમાન વધતા અવરોધકતા $(\rho)$ ઘટે છે.