હાઇડ્રોજન જેવા તંત્રમાં ઇલેક્ટ્રોન અને પ્રોટોન વચ્ચેના કુલંબ બળ અને ગુરુત્વાકર્ષણ બળનો ગુણોત્તર કયા ક્રમનો હોય છે?

$+Q$ જેટલો વિદ્યુતભાર ધરાવતા બે નાના ગોળાઓને $L$ લંબાઈના અવાહક દોરા વડે એક હૂક સાથે લટકાવવામાં આવ્યા છે. આ રચનાને અવકાશમાં લઈ જવામાં આવે છે જ્યાં ગુરુત્વાકર્ષણની અસર નથી. તો બે દોરાઓ વચ્ચેનો ખૂણો અને દરેક દોરામાં ઉદ્ભવતું તણાવ કેટલું હશે?

બે સમાન બિંદુવત વિદ્યુતભારો $q$ ને જોડતી રેખાના મધ્યબિંદુએ એક વિદ્યુતભાર $Q$ મૂકવામાં આવે છે. $q$ ના કયા મૂલ્ય માટે આ તંત્ર સંતુલનમાં હશે?

$d$ જેટલા અંતરે રહેલા બે વિદ્યુતભારીત ગોળાઓ એકબીજા પર $F$ જેટલું બળ લગાડે છે. જો તેમને $2$ ડાયઇલેક્ટ્રિક અચળાંક ધરાવતા પ્રવાહીમાં ડૂબાડવામાં આવે,તો નવું બળ કેટલું હશે (જો અન્ય તમામ પરિસ્થિતિઓ સમાન હોય)?

આકૃતિમાં દર્શાવ્યા મુજબ,બે સમાન બિંદુવત વિદ્યુતભારો $(q_0 = +2 \mu C)$ ની ગોઠવણી એક ઢળતા સમતલ પર મૂકવામાં આવી છે. દરેક બિંદુવત વિદ્યુતભારનું દળ $20 \, g$ છે. ધારો કે વિદ્યુતભાર અને સમતલ વચ્ચે કોઈ ઘર્ષણ નથી. બે બિંદુવત વિદ્યુતભારોની સિસ્ટમ સંતુલનમાં (સ્થિર) રહે તે માટે ઊંચાઈ $h = x \times 10^{-3} \, m$ છે. $x$ નું મૂલ્ય $..........$ છે. (લો $\frac{1}{4 \pi \varepsilon_0} = 9 \times 10^9 \, Nm^2 C^{-2}, g = 10 \, ms^{-2}$)

બે બિંદુવત વિદ્યુતભારો $q_1$ અને $q_2$ એકબીજાથી $l$ અંતરે રહેલા છે. જો એક વિદ્યુતભારને બમણો કરવામાં આવે અને તેમની વચ્ચેનું અંતર અડધું કરવામાં આવે, તો બળનું મૂલ્ય $n$ ગણું થાય છે, જ્યાં $n$ નું મૂલ્ય કેટલું હશે?