$20 \ rad/s$ ની ઝડપે ફરતા પદાર્થ પર અચળ ટોર્ક લગાડવામાં આવે છે જે તેને $2 \ rad/s^2$ નો પ્રતિપ્રવેગ આપે છે. જો ટોર્ક સતત લાગતું રહે,તો કેટલા સમય પછી પદાર્થની ગતિઊર્જા તેની પ્રારંભિક ગતિઊર્જા જેટલી થશે?

એક દ્રઢ પદાર્થ નિશ્ચિત અક્ષની આસપાસ સમય $t$ પર $(\alpha - \beta t)$ જેટલા ચલ કોણીય વેગ સાથે ફરે છે,જ્યાં $\alpha$ અને $\beta$ અચળાંકો છે. સ્થિર થાય તે પહેલાં તે કેટલા ખૂણે પરિભ્રમણ કરશે?

એક બિલિયર્ડ બોલને તેના કેન્દ્રથી $h$ અંતરે ક્યુ (cue) વડે ફટકારવામાં આવે છે. તે $v_0$ જેટલો રેખીય વેગ પ્રાપ્ત કરે છે. ધારો કે $m$ એ દળ છે અને $r$ એ બોલની ત્રિજ્યા છે. બોલ દ્વારા પ્રાપ્ત કોણીય વેગ કેટલો હશે?

એક ગરગડી (pulley) $2 \ kg$ દળ અને $0.5 \ m$ ત્રિજ્યા ધરાવતી સમાન નક્કર તકતી (solid disc) ના આકારની છે. તેની કિનારી પર એક દોરી વીંટાળેલી છે અને તેને $2.5 \ N$ ના બળથી ખેંચવામાં આવે છે. ગરગડી તેની ધરી પર મુક્તપણે ફરી શકે છે. શરૂઆતમાં,ગરગડી સ્થિર છે. $10 \ s$ પછી ગરગડીનો કોણીય વેગ શોધો. ($rad/s$ માં)

$1000 \; Nm$ નો અચળ ટોર્ક $200 \; kg \cdot m^2$ જડત્વની ચાકમાત્રા ધરાવતા પૈડાને તેના કેન્દ્રમાંથી પસાર થતી ધરી પર ફેરવે છે. શરૂઆતમાં પૈડું સ્થિર છે. $3 \; s$ પછી તેની કોણીય ઝડપ કેટલી હશે?

$10 \ cm$ ત્રિજ્યા ધરાવતી એક ગરગડીની તેની ભૌમિતિક અક્ષને અનુલક્ષીને જડત્વની ચાકમાત્રા $10^{-3} \ kg \ m^2$ છે. તેની કિનારી પર સ્પર્શરૂપે સમય સાથે બદલાતું જતું બળ $F = (0.5t + 0.3t^2) \ N$ લગાડવામાં આવે છે. ગરગડી પ્રારંભમાં સ્થિર છે. જો $t$ સેકન્ડમાં હોય,તો $t = 3 \ s$ વખતે ગરગડીનો કોણીય પ્રવેગ $rad \ s^{-2}$ માં કેટલો હશે?