ગૂંચળામાં વિદ્યુત પ્રવાહ ઉત્પન્ન કરવા માટે ગજિયા ચુંબક અને ગૂંચળાના ફેરાડેના પ્રયોગની ચર્ચા કરો.

(N/A) આકૃતિમાં ગેલ્વેનોમીટર $G$ સાથે જોડાયેલ ગૂંચળું $C_{1}$ દર્શાવેલ છે.
જ્યારે ગજિયા ચુંબકનો ઉત્તર ધ્રુવ ગૂંચળા તરફ ધકેલવામાં આવે છે,ત્યારે ગેલ્વેનોમીટરનો દર્શક કોણાવર્તન પામે છે,જે ગૂંચળામાં વિદ્યુત પ્રવાહની હાજરી સૂચવે છે. જ્યાં સુધી ગજિયો ચુંબક ગતિમાં હોય ત્યાં સુધી આ કોણાવર્તન ચાલુ રહે છે. જ્યારે ચુંબકને ગૂંચળાથી દૂર ખેંચવામાં આવે છે,ત્યારે ગેલ્વેનોમીટર વિરુદ્ધ દિશામાં કોણાવર્તન દર્શાવે છે,જે પ્રવાહની દિશા ઉલટાઈ ગઈ હોવાનું સૂચવે છે. જ્યારે ચુંબકને સ્થિર રાખવામાં આવે ત્યારે ગેલ્વેનોમીટર કોઈ કોણાવર્તન દર્શાવતું નથી. વધુમાં,જ્યારે ગજિયા ચુંબકનો દક્ષિણ ધ્રુવ ગૂંચળા તરફ કે ગૂંચળાથી દૂર લઈ જવામાં આવે છે,ત્યારે ગેલ્વેનોમીટરમાં જોવા મળતું કોણાવર્તન ઉત્તર ધ્રુવ માટે સમાન ગતિ દરમિયાન જોવા મળતા કોણાવર્તન કરતા વિરુદ્ધ દિશાનું હોય છે.
વધુમાં,જ્યારે ચુંબકને ગૂંચળા તરફ ઝડપથી ધકેલવામાં આવે અથવા દૂર ખેંચવામાં આવે ત્યારે કોણાવર્તન (અને તેથી પ્રવાહ) મોટું જોવા મળે છે.
તેના બદલે,જ્યારે ગજિયા ચુંબકને સ્થિર રાખવામાં આવે અને ગૂંચળું $C_{1}$ ચુંબક તરફ કે ચુંબકથી દૂર લઈ જવામાં આવે,ત્યારે પણ સમાન અસરો જોવા મળે છે.
આ દર્શાવે છે કે ચુંબક અને ગૂંચળા વચ્ચેની સાપેક્ષ ગતિ જ ગૂંચળામાં વિદ્યુત પ્રવાહના નિર્માણ (પ્રેરણ) માટે જવાબદાર છે.